شبكة منتديات مؤسسة ابن رشد برشيد


    عن حبك يا أمي

    شاطر
    avatar
    stephanoss

    المساهمات : 103
    تاريخ التسجيل : 05/02/2009
    العمر : 29
    الموقع : ?????

    عن حبك يا أمي

    مُساهمة  stephanoss في السبت فبراير 07, 2009 9:11 am

    اسألي دمي
    وسعادتي وهمي
    اسألي التوفيق
    والقدر والضيق
    اسألي الدعاء اللي في صلاتي
    والدموع اللي في سجودي
    اسألي دمي
    عن حبك يا أمي


    flower flower flower

    في الطفولة علمتيني قبل ما أنطق بالكلام
    وفي شبابي بترعيني لما بسهر ولا أنام
    صدقيني يا ضي عيني حبك أنت مش كلام
    يبتدي في لحظة ميلادي شمعة تضوي في الظلام
    flower flower
    ست الحبايب والحنان أنتي يا أمي
    لو كنت صغير ولا كبير تتبطبي وتضمي
    تفرحي لفرحي وفي الشدة بتحملي همي
    ساكنة في قلبي وأسمك بيجري في دمي

    flower flower flower
    لما أزعل بترضيني
    لما امرض بتدويني
    أمي أنت في نن عيني
    حبيت الكون علشانك
    وفي قلبي وروحي مكانك
    تسلملي كلمة يا ضنايا
    لما ينطقه لسانك

    flower flower
    أمي يا كل الأمان
    أمي يا نور في طريقي
    أمي يا حضن الحنان
    أمي يا حبي الحقيقي

    flower flower flower
    ماما يا لحن في الوجدان
    يا همسة حب .. يا موجة حنان
    في عيدك
    بتخضر الالوان
    وبحبك
    ينطق قلبي الولهان

    flower flower

    ماما حبيبتي
    حبك في قلبي طول الليالي
    حافظ ودادك .. كاره بعادك
    لوغبتي عني
    روحي تخدني
    لحد عندك
    وأنول بقربك وأعيش معاكي
    عالم خيالي
    flower flower flower

    اسمك زي شعاع النور
    بيدخل قلبي يمد جسور
    أنت حبيبتي يا أمي الغالية
    ليكي بوسه وعقد زهور
    ليكي شوق وحنين ومحبة
    بيخليني بيكي مسحور

    flower flower
    ماما حبيبتي يا أطيب قلب
    اسمك موجة في بحر الحب
    كلمة رقيقة بسمة بريئة
    تفتح قلبي وتمحي الذنب

    flower flower flower


    جيناكي يا نينة يا زينة
    يا حب غالي آوي علينا
    جيين نجمع بعضينا
    في عيدك بتخضر أمانينا


    flower flower

    أنت اللي غاليا علينا
    وانت اللي ضي عنينا
    تمر الايام وحبك
    طول عمرة في القلب
    يا نينة

    flower flower flower
    يا طيور الكناري
    يا زهور البراري
    ميلوا وغنوا شمال ويمين
    غنوا معايا لنور العين
    ماما يا ماما يا نور العين
    غنوا معايا صبح وليل
    لأمي حبيبتي كل الخير

    flower flower
    ماما يا نبع المحبة والحنان
    قلبي بين أديكي عرف معني الأمان
    أنتي السما والأرض أنت جنتي
    أنتي وطن قلبي علي طول الزمان
    flower flower flower
    لو كان بأيدي لو كان
    لعملك الدنيا بستان
    ورد و فل وريحان
    وأهدية ليكي يا امي
    flower flower
    كلمة منك تحميني
    بوسة منك تحييني
    بيبقي الكون في أديا
    لما يا ماما تضميني

    flower flower flower
    الدنيا أم وأمي أوطان
    عنيكي ملجئ قلبي الولهان
    لمسة أيدك كل الحنان
    تحت رجلك جنة رضوان
    ربي يخليها طول الزمان

    flower flower

    عيدك يا أمي اسعد الأعياد
    لولاكي يا أمي مكنش ليا ميلاد
    قلبك بيرعاني يا بهجة القلب
    مش ممكن ينساني في البعد وال
    يا ما شلتيني وتعبت إديك
    وربتيني بدموع عنيكي
    عمري ما أنسي أبدا دعاكي
    قلبي وروحي ديما فداكي

    flower flower flower
    لولاكي يا ملاكي
    قلبي بلا دقات
    ليلي بلا سهرات
    عمري صدي حكايات لولاكي يا أمي
    يا كل الأحلام يا صوت المواعيد
    نجمة ما بتنام يا كل الأناشيد

    flower flower
    غنيتي ليا عشان أنام
    ودبحتي ليا جوزين حمام
    حضنك أنت الأمان
    لمسة كل الحنان
    بسمتك تضوي المكان

    flower flower flower

    يا ماما ما في زيك في الدنيا
    قلبك حنين عليا
    يا أغلي من ضي عينيا
    الدنيا في عيدك تغني
    وأحبابك جيا تهانيكي
    وأنا قلبي بيرقص من الفرحة
    يوم عيدك ربي يخليكي

    flower flower
    أمي الحبيبة إطمني
    يالي حضنك شال همومي وضمني
    كل سنة وأنت طيبة يا أمي
    يا أجمل ما في الدنيا يا أمي

    flower flower flower
    أنا عمري ما أنسي يا امي حنانك
    لما تضميني مابين أحضانك
    ليكي بسمة ليكي غنوة
    ليكي حبي وروحي عشانك

    flower flower

    قلبي دق لما كنت أنا الوليد
    أمي أنتي بسمتي وقلبي السعيد
    ضمتيني
    كنت في الشدة ترعيني
    ولما ابكي تمسحي دمعي الشريد


    flower flower flower

    عشق الكون وياكي حكاية
    يالي صلحتي الحب معايا
    أنتي يا أمي اغلي هدية
    ربي وجدها في دنيايا

    flower flower

    نينة يا ست الكل
    يا نور في طريقي يهل
    يا وردة يا عنقود فل
    يا قمر ليالينا لما يطل

    flower flower flower

    يا أم الصبر يا أم الحنين
    يا منبع الإحساس والقلب الأمين
    يا نينة يا نور قلبي الوحيد
    في عيدك العالم كله سعيد
    ربي يخليكي
    ونبارك ليكي
    مليون عيد

    flower flower
    شط حنانك بحر أمان
    قلبك موجة للغرقان
    حبك ميه للعطشان
    حبك نسمة وبسمة يا نينة
    بتخليني أعيش فرحان


    flower flower flower

    جدو يا جدو يا أحسن جد
    يالي حنانك فاق الحد
    ربي يصونك ويخليك
    بصلي وديما بدعي إليك


    flower flower

    الحنان والطيبة جدو
    والأمان والشوق كمان
    هو عنوانك يا جدو
    لما احزن بجري عنده
    و أترمي في حضنك يا جدو

    flower flower flower

    حضنك ليا
    بيخليني أكون في أمان
    أنت الملجئ ليا يا جدي
    لما يكون بابا زعلان
    اجري وأضمك
    تبعد بابا
    وتضحك ليا بكل حنان

    flower flower
    يا لي كلامك غالي عليا
    يا ستي يا نور في ضي عنيا
    اسمع صوتك في الفجريا
    لما تصلي وتدعي ليا
    بالقي الكون كله حنيا


    لما حنانك بيغطيني
    أجري في حضنك وتخبيني
    خايف ابعد عنك يا ستي
    الأيام تجي تلهيني
    اصل بحبك أوى يا غالية
    وقرب مني ده بيرضيني

    flower flower flower
    لو عليا أكون معاكي في كل ليلة
    تيتة أنت أمي أنت أحلامي الجميلة
    مستحيل أنى أكون غير تحت أمرك
    أصلك حنان والكون أمان
    لما تضمي
    أقول كمان
    دا أنتي أمي وأم أمي
    avatar
    asmae

    المساهمات : 159
    تاريخ التسجيل : 06/02/2009
    العمر : 26

    رد: عن حبك يا أمي

    مُساهمة  asmae في السبت فبراير 07, 2009 10:54 am

    fkrni hadshi flbtida2i fash kona serar hhh jttttttmmm muuuum
    avatar
    RajOu2a

    المساهمات : 89
    تاريخ التسجيل : 03/02/2009
    العمر : 27

    رد: عن حبك يا أمي

    مُساهمة  RajOu2a في الأربعاء فبراير 11, 2009 10:26 am

    شكرا كثيرا على الموضوع الجميل

    فليس هناك بعد حب الله يعادل حب الأم

    سلمت يمناك و دمت بخير

    el matador aziz

    المساهمات : 18
    تاريخ التسجيل : 13/02/2009

    رد: عن حبك يا أمي

    مُساهمة  el matador aziz في السبت فبراير 21, 2009 2:13 pm


      الوقت/التاريخ الآن هو الخميس ديسمبر 14, 2017 9:49 am